Ginpaguwa sang National Board of Canvassers (NBOC) ang final national canvass report sa percentage nga nakuha sang mga party-list groups.
Ang top 15 nga grupo nga nagpangibabaw sa 2025 elections amo ang masunod:
- Akbayan – 2,779,621
- Duterte Youth – 2,338,564
- Tingog – 1,822,708
- 4Ps – 1,469,571
- ACT-CIS – 1,239,930
- Ako Bicol – 1,073,119
- USWAG-Ilonggo – 777,754
- Solid North – 765,322
- Trabaho – 709,283
- Cibac – 593,911
- Malasakit@bayanihan – 580,100
- Senior Citizen – 577,753
- PPP – 575,762
- ML – 547,949
- FPJ Panday Bayanihan – 538,003
Ang grupo nga nakakuha sang dos porsyento sang total votes sa party-list ang guaranteed sang isa sa 63 reserved seats sa party-list.
Suno kay Comelec Chairman George Garcia, magasunod lang ugaling ang distribution and allocation sang seats para sa sini nga mga grupo.
Sa Mayo 19 naman natalana ang proklamasyon sang mga nagdaog, samtang buwas sa hapon naman ang iya sang winning senators.
Nahibaluan nga nakumpleto sang NBOC ang canvassing sa 175 COCs sa sulod lamang sang tatlo ka adlaw — 58 COCs sang Martes, 101 COCs sang Myerkules, kag 16 COCs sang Huwebes.
