Nag-file sang petition ang grupo sang political detainees, human rights kag medical organizations sa Commission on Elections (Comelec) agud nga ma-kanselar ang Certificate of Candidacy (COC) ni former Senator Ferdinand “Bongbong” Marcos Jr. para sa 2022 presidential elections.
57 ka pahina ang petition nga nagahingyo nga i-“Cancel” ukon i-“Deny Due Course” ang COC ni Marcos para sa pagka-presidente sang pungsod.
Gin-akusaran sang civic groups si Marcos nga nag-file sang COC nga nagaunod sang “multiple false material representations” lakip na ang assertion sini nga eligible siya nga magpadalagan sa pagka-presidente.
Suno sa mga nag-petisyon, indi kwalipikado si Marcos nga magpadalagan para sa public office bangud isa siya ka convicted criminal.
Sa ginpasa nga dokumento, ginsaad nga gin-convict sang Quezon City Regional Trial Court si Marcos sang Hulyo 1995 bangud sang multiple failures nga maka-file sang income tax returns.
Suno sa grupo, napamatbatan sang Quezon City Regional Trial Court Branch 105 nga guilty si Marcos “beyond reasonable doubt” bangud sa paglapas sa Sections 45 kag 50 sang National Internal Revenue Code.
Gin-sentensyahan si Marcos sang pagkapreso nga tubtub sa siyam ka tuig kag ginmanduan man nga bayaran ang iya taxes sa tuig 1982, 1983, 1984 kag 1985.
Sunod nga ginpasaka ni Marcos ang conviction sa Court of Appeals nga nag-uphold sa findings sang lower court kag gin-modify ang desisyon nga i-impose lang ang multa nga kwarta batok sa iya.
Wala na gin-apelar ang kaso sa Korte Suprema, rason nga nahimo ini nga final and unappealable conviction.
Gin-cite sa petition nga ang krimen nga nahimo ni Marcos ang naga-involve sang moral turpitude bangud nagpamalibad si Marcos kag ang iya pamilya nga bayaran ang Filipino people sang ginabanta P203.8 billion sa estate taxes, inclusive of interests, surcharge, kag iban pa nga penalties.
Bangud sini, ginaduso sang grupo nga disqualified si Marcos sa idalom sang Section 12 sang Omnibus Election Code.
Ginahulat pa subong ang sabat sang kampo sang amo nga presidential aspirant.
