Nagdedikar sang matam-isa nga mensahe paagi sa iya instagram ang Fil-Am basketball player kag model nga si Cole Micek sa iya pinalangga nga nobya nga beauty queen kag birthday girl nga si Chelsea Manalo.
Sa caption sang post, gintawag ni Cole si Chelsea nga “most beautiful woman in the universe” kag gintamyaw sang “Happiest birthday baby”.
Ginpakigbahin man ni Cole ang pila pa ka mga pictures nga nagapakita sang ila mga moments sang Miss Universe Asia 2024 paagi sa iya Instagram Stories sa diin gintawag man niya ini nga “my birthday girl.”
Suno kay Cole, si Chelsea amo ang rason kun ngaa masami siya nagayuhom kag ginpabutyag nga palangga gid niya ini.
Matandaan nga nagguwa ang mga huring-huring nga naga-date ang duwa sang Hunyo.
