Gin-ako sang first-time mommy nga si Coleen Garcia nga ginaagyan man niya ang baby blues ukon kasubo kag lain-lain nga modo nga natural nga ginaeksperyensya sang mga iloy nga bag-o gid lamang makabun-ag.
Sa iya Instagram Stories, ginpakigbahin ni Coleen kun ano kabudlay ang postpartum recovery kag ang pagpasuso sa iya anak nga si Amari.
Apisar sang kabudlay, “incredibly rewarding” ini suno sa aktres ilabi na bangud may nagapadala man sa iya sang mga mensahe kag regalo.
Ginpasalamatan man ni Coleen ang iya bana nga si Billy Crawford bangud sang pagtatap sini sa iya kag sa iya anak.
Samtang suno naman kay Billy, ini ang iya “biggest life-changing experience” nga iya naagyan sa bug-os niya nga kabuhi.
Nahibaluan nga ginbun-ag ni Coleen si Baby Amari sang Hwebes, Setyembre 10.
