ILOILO CITY – Nagakadapat nga makapasar sa color, taste kag odor ang tubig agud makabig nga potable water.
Ini ang gin-athag sa Bombo Radyo sang microbiologist nga si Dr. Rex Sabada, Professor sa University of the Philippines-Miagao Campus, may kaangtanan sa ginareklamo sang mga residente sang Deca Homes sa Pavia, Iloilo batok sa BP Waterworks Inc.
Sa pagpaathag ni Dr. Sadaba, kinahanglan nga nakapasar sa tanan nga parameters antes makabig nga potable water ang gina-supply nga tubig santo sa Philippine National Standards for Drinking Water of 2017 nga ginpaguwa sang Department of Health.
Suno kay Dr. Sadaba, lakip sa parameters sa pagtumod sang water quality amo nga dapat wala sang baho, matin-aw kag wala sang lain nga sabor ang tubig paagi sa microbiological, physical, chemical kag radiological constituents.
Ginpahayag ni Dr. Sadaba nga nakasaad man sa nasambit nga administrative order nga ang microbiologist ukon sanitary inspector nga accredited sang Department of Health amo ang dapat nga magkuha sang water sample agud nga ipaidalom sa quality test.
Ang mga konsumidor ang may yara sang kinamatarong nga magreklamo sa water distributor sa tion nga indi matinlo ang tubig nga nagaguwa sa gripo.
Kinahanglan nga regular ang ginapatigayon nga water quality test santo sa guidelines nga nakasaad sa nasambit nga memorandum order.
