Nahidlaw ka na bala sa Barbadian pop superstar nga si Rihanna?
Nakahibalo ka bala nga bisan naka-maternity leave ang 35-anyos nga singer, todo gihapon ang iya team sa pag-“Work, Work, Work!“?
May reports nga nagaguwa nga nagaplano ang hit singer sang iya makahalawat-hawat nga comeback—lakip na ang world tour kag duha ka albums—sa idalom sang ‘million-dollar contract’!
Photo: AXELLE/BAUER-GRIFFIN/FILMMAGIC
Ginpahayag nga gina-trabaho ini subong sang iya creative team sa Los Angeles.
Kun matandaan, pito ka tuig ang ginhulat sang fans antes nakit-an liwat si Rihanna sa live show sang Pebrero paagi sa iya nga Super Bowl halftime performance.
Pagkatapos sang amo nga set, ginkumpirma man sang iya team nga nagabusong ang award-winning singer kag ila ginwelcome ang amo nga baby nga si Riot Rose Mayers sang Agusto.
Kilala si Rihanna bilang singer-songwriter, businesswoman, kag actress kag popular sa iya mga ambahanon nga Diamonds, Umbrella, Rude Boy, Work, Don’t Stop the Music, kag madamo nga iban pa. #
