Nagpirma ang Commission on Elections (COMELEC) Region VI sang Memorandum of Agreement (MOA) lakip ang pila ka mga digital payment platforms agud nga mapasangkad ang pagsulundan sa money transfer services sa tion sang 2025 midterm elections.
Sa interview sang Bombo Radyo kay Atty. Dennis Ausan, Regional Director sang Commission on Elections, iya ginpahayag nga sa idalom sang amo nga kasugtanan, pagalimitahan ang balor nga mahimo ma-transfer online, pila ka adlaw antes ang eleksyon.
Suno kay Ausan, ang sakop sang MOA nga payment platforms ang mas hugton ang pag-monitor online sa mahimo makaduluda nga transakyon sa tion sang eleksyon.
Gintuad man sini nga ang tikang ang mahimo makaprotekta sa posible paglapnag sang online vote buying.
Wala man ginpanginwala ni Ausan nga dako nga pagpanghangkat sa ila bahin ang pagdata sang vote buying, online.
Nagpanawagan man ang natungdan sa publiko nga mangin mabinantayon kag magpakig-angot sa ila talatapan pananglitan may makit-an nga makaduluda nga transakyon.
Samtang, nagpasalig ang Commission on Elections Region VI nga hitsu na ang talatapan para sa palaabuton nga May 12, 2025 midterm elections.
Ini nga pasalig ang ginbuy-an ni Atty. Dennis Ausan sa ginpatigayon nga Regional Joint Security Control Center press conference kaupod ang Philippine Coast Guard (PCG), Philippine Army kag sang Police Regional Office 6 (PRO-6).
