ILOILO CITY – Wala pa sang may nabaton nga guidelines ang Commission on Elections (Comelec)- Region VI angut sa ginpahayag ni Comelec Commissioner Atty. George Garcia nga indi na requirement ang campaign permit sa mga lugar nga manubo na ang classification sang alert level.
Sa interview sang Bombo Radyo kay Atty. Wilfred Jay Balisado, director sang Comelec Region VI, iya ginpahayag nga makuha sa gihapon sang permit sa local government unit (LGU) ang mga kandidato sa tion nga maggamit sila sang public places.
Ang syudad sang Iloilo upod ang Aklan, Bacolod City, Capiz, Guimaras ang yara sa alert level 1 samtang alert level 2 naman ang mga nabilin nga bahin sang rehiyon.
