Ginpasigurado ni Commission on Elections (COMELEC) Commissioner Atty. Rowena Guanzon nga wala sang may matabo nga eskandalo sa May 9, 2022 elections.
Ini ang kasunod sang kahangawa sang publiko nga maliwat ang hitabo sadto nga “Hello Garci scandal” kun sa diin ginapahayag may yara sang manipulasyon sa 2004 National Elections agud paboran ang pagdaog ni anay Presidente Gloria Macapagal-Arroyo sa pagpanguna ni former Election Commissioner Virgilio Garcillano.
Sa interview sang Bombo Radyo kay Atty. Guanzon, iya ginpahayag nga lain na ang sitwasyon subong sa COMELEC sa diin indi na mahimo diktahan ang ang mga opisyal sang komisyon.
Gin-abisuhan man ni Guanzon ang mga poll watcher nga magpadala sang sulat sa COMELEC en banc agud magpangayo sang permiso sa pagbantay sa logistics sang 2022 elections.
