Gin-anunsyo sang Commission on Elections (COMELEC) ang pila ka ammendments sa ila paghatag sang eksempsion sang mga indibidwal sa pagdala sang armas apisar sang election period.
Suno kay COMELEC Chairman Saidamen Pangarungan, ginkasugtan sang en banc nga amyendahan ang COMELEC Resolution 10728 nga amo ang nagasaad sang mga pagsulundan sa gun ban nga nangin epektibo sang Enero 9.
Ang amo nga amendments ang magahatag sang eksempsion sa mga Regional Directors kag Election Officers.
Automatic man ang eksempsion sang mga justices, judges, kag prosecutors kalakip na ang Ombudsman.
Nahibaluan nga ang magalapas sa provisions sang Comelec resolution ang makabig election offense kag mangatubang sang penalidad nga isa tubtob anom ka tuig nga pagkapreso nga wala sang posibilidad sang probation, makuhaan sang kinamatarung nga magboto, kag disqualification to hold public office.
