Gin-reject sang Commission on Elections (COMELEC) ang pangabay sang mga election observers gikan sa European Union (EU) nga makasulod sa mga polling places sa Mayo 12, 2025 midterm elections.
Sa isa ka news forum sa Manila, ginpahayag ni COMELEC chairman George Garcia nga ginhambalan sang EU observers ang poll body nga ang pagdumili sa ila sa sulod sang polling precincts mahimo nga maglapas sa international standards.
Apang suno kay Garcia, indi mahimo nga pahanugutan sang Comelec nga maglagaw sila sa sulod sang mga polling precincts sa adlaw sang eleksyon.
Suno kay Garcia, welcome sila mag-observe kag may freedom of movement po sila sa interes sang transparency, kon sa diin, ginakabug-usan sila sang halos 300 ka myembro.
Sa idalum sang Omnibus Election Code, ginpahayag ni Garcia nga limitado lang ang mga accredited nga tawo ang ginapahanugutan sa sulod sang mga polling places sa tion sang pagpatigayon sang eleksyon.
Pahayag ni Garcia, handa ang commission en banc nga atubangon ang posible nga konsekwensya kasunod sang paandam sang mga EU observers.
