Untaton sang Commission on Elections (Comelec) ang pagpangbaklas sang campaign materials sa pribado nga mga propiedad kasunod sang temporary restraining order (TRO) nga ginpa-guwa sang Korte Suprema batok sa kontrobersyal nga “Oplan Baklas.”
Suno kay Comelec spokesman James Jimenez, nagdesisyon ang en banc nga tumanon ang mandu sang Korte Suprema, apang ginpahayag man sini nga padayunon ang Oplan Baklas operations sa public spaces.
Nahibaluan sa idalom sang Oplan Baklas, ginapangkakas sang Comelec personnel ang “illegal” kag ang “oversized” tarpaulins kag iban pa nga campaign materials kag bisan ang yara sa private properties nga gina-post sang private citizens.
Ang TRO nga ginpaguwa sang Korte Suprema ang kasunod man sang petition nga gin-file sang St. Anthony College of Roxas City, Inc. kag duha ka self-proclaimed supporters ni presidential candidate Leni Robredo.
