Ginahulat na lang sang Commission on Elections (COMELEC) ang reklamo angut sa reported nga pagpanagtag sang cash envelopes sa Nueva Ecija kasunod sang campaign rally ni presidential candidate Ferdinand Bong Bong Marcos Jr.
Ini ang pahayag ni COMELEC Commissioner George Garcia sang ini ang ginpamangkot angut sa amo nga insidente.
Iya man una na nga ginpahayag nga iya ini ipalab-ot nga concern sa COMELEEC en banc.
Pila ka media outlets ang nakakita sang pagpanghatag sang enevelopes nga may sulod nga P500.
Apisar sini, wala nahibaluan sang mga nakabaton kun para sa ano ang mga envelopes nga ginpanagtag sa ila.
Samtang, suno naman sa partido ni Marcos nga Partido Federal ng Pilipinas (PFP), ang amo nga insidente ang indi kabahin sang ila polisa sa idalom sang ila core values kag prinsipyo.
