ILOILO CITY- Ginbasura sang Commission on Elections (COMELEC) ang 120 nga aplikasyon sang mga Party-list para malakip sa 2025 Midterm Elections.
Base sa desisyon sang En Banc, wala napaathag sang mga aplikante nga ginatiglawas nila ang mga marginalized sector rason nga wala gintugutan nga malakip sa Party-list.
Samtang, yara naman sa 80 pa nga mga Party-list ang ginapaidalom pa sa hearing ang ila nga mga aplikasyon para makaintra sa eleksyon.
Suno kay COMELEC Chair George Erwin Garcia, tapuson nila ang hearing sa mga aplikasyon bag-o ang filing sang Certificate of Candidacy sa una nga semana sang Oktubre.
