Gindula na sang Commission on Elections (COMELEC) ang ila polisa nga naga-require sang permit sa tion nga magpatigayon sang campaign activities, ilabi na sa mga lugar nga sa idalom sang mas mahalog nga COVID-19 alert levels.
Suno kay newly appointed commissioner George Garcia, gin-aprubahan na sang COMELEC en banc ang “recalibrated” set sang new normal campaigning rules bangud man sa mas halog na nga pandemic restriction sa nagapadayon nga pagnubo sa kaso sang COVID-19 sa pungsod.
Wala na sang Comelec Campaign Committee (CCC) permits para sa alert level 1 kag level 2.
Pahanugutan naman ang 100 percent capacity sa mga venues sa idalom sang alert level 1 kag 70 percent naman sa mga lugar nga yara sa alert level 2.
Nahibaluan nga sa idalom sang Comelec Resolution No. 10732, ang in-person political gatherings kaangay sang pagpangampanya, rallies, caucuses, meetings, conventions, motorcades, caravans, kag miting de avance ang pahanugutan lamang kun ini ang gin aprubahan sang CCC (ang multi-agency “super body” nga amo ang in charge sa mga ginapatigayon nga aktibidad may kaangtanan sa May 9, 2022 elections).
Suno kay Garcia, pagapirmahan nalang sini ang amended version sang Comelec Resolution No. 10732.
