Pormal nga ginduso ni Commission on Elections (Comelec) chairman George Erwin Garcia sa en banc nga i-ban ang paggamit sang deepfake kag artificial intelligence sa campaign materials para sa 2025 elections.
Nakasaad ini sa iya sulat sang Mayo 28 sa Commission en Banc kun sa diin ginplastar sini ang seryoso nga halit sa technology sa tion sang elections.
Ginakabalak-an suno kay Garcia ang pamahog nga dala sang Artificial Intelligence (AI) technology kag ‘deepfake’ nga makapanunto kag makadala sang misinformation sa tunga sang voters kag candidates para sa piniliay.
Sa iya sulat, ginsiling pa sini nga ang abuso sa AI technology kag sa deepfake videos ang magatiphag sa intergridad sang eleksyon kag sa kredibilidad sang public officials, candidates kag election management authorities.
Sa memorandum ni Garcia, naka-cite ang insidente kun sa diin gingamit ang tingog ni President Ferdinand Marcos Jr. sa isa ka manipulated video agud nga maintuan ang viewers.
Ini nga deepfakes amo ang synthetic media nga makabig nga digitally manipulated agud nga island kun ano ang natural nga hulag ukon ginahimo sang isa gid ka tawo.
Sa bahin sang Department of Information and Communications Technology nga amo ang chairman sang Comelec Advisory Council, ginsaad sini nga handa ini nga i-assist ang poll body agud nga indi ma-impluwensyahan sang deepfakes ang elections.
