ILOILO – Ginkalipay sang poll body ang pagdamo sang mga nagpa-register sa Iloilo Province subong nga tuig.
Sa interview sang Bombo Radyo kay Atty. Renier Layson, Provincial Election Supervisor IV sa Commission on Elections (Comelec) Iloilo, iya ginpahayag nga as of September 21, may yara sang 110, 348 nga nagpa-register.
Ini nga numero ang humalin pa sang ginbuksan ang voter registration sang Pebrero 12 subong nga tuig.
Samtang sa kabug-usan, nagdangat na sa 1, 615, 087 ang numero sang mga botante sa Iloilo.
Suno kay Layson, possible nga madugangan pa ini nga numero ilabi na nga nagahilapit na ang pagtakop sang voter registration sa Setyembre 30.
