Ginklaro sang Commission on Elections (COMELEC) nga wala sang ginatawag nga “dagdag-bawas” sa resulta sang 2025 senatorial race matapos nga naglapta sa social media ang isyu nga may ginbuhin nga boto sa isa ka kandidato.
Ginpahayag ni COMELEC Chairman George Garcia nga may pila ka media outlets nga nagpagwa sang resulta base sa raw data halin sa Comelec server nga wala pa sang “cleansing” ukon proseso nga ginatawag nga machine-readable formatting.
Suno kay kay Garcia gng ginapakita nga real-time data amo ang halin mismo sa Comelec.
Ginklaro man ni Garcia nga ang COMELEC wala sang gahom nga mag-total ukon mag-rank sang mga kandidato samtang wala pa sang opisyal nga resulta.
Madumduman nga nagsugod ang isyu sang nag-viral ang alleged discrepancy kun sa diin nagbuhin sang lima ka milyon nga boto ang isa ka kandidato sa senado.
Gin-athag man sang natungdan nga wala sang dugang, wala sang buhin, kag wala man sang shading nga natabo.
Sa pihak nga bahin, nagpadayon ang session sang National Board of Canvassers (NBOC) kag nakabaton sang 30 ka Certificates of Canvass (COCs), lakip na ang resulta sang Local Absentee Voting (LAV).
