Iloilo City – Ginpatpat sang Iloilo City Commmission on Elections Office ang mga kwalipikasyon sang mga kandidato sa nagahilapit nga 2023 Philippine Barangay and Sangguniang Kabatan Elections sa Oktubre 30.
Sa interview sang Bombo Radyo kay Mr. Jonathan Sayno, Election Assistant II sang Iloilo City Commmission on Elections Office, iya ginpahayag nga dapat nga magsunod ang mga kandidato sa ginhatag nga guidelines sang komisyon.
Suno kay Sayno, nagakadapat nga naga-edad sang 18 tubtub 24 anyos ang mahimo nga magpadalagan para sa Sangguniang Kabataan Elections.
Samtang, para naman sa barangay officials, mahimo nga magpadalagan ang naga-edad sang 18-pataas.
Kabahin man sa pagpahanumdom sang natungdan amo ang hugot nga pagsunod sa “Anti-dynasty law” kun sa diin ginadumilian nga magpadalagan sa posisyon ang isa ka kandidato para sa Sangguniang Kabataan nga may yara sang pamilya sa politika.
Maga-umpisa naman ang Liquor Ban sa Oktubre 29 tubtob 30, kag ang Gun Ban ang maga-umpisa sa Hulyo 3 tubtob Nobyembre 14.
Yara naman sa 80% ang completion rate sang printed ballots nga amo ang gamiton sa pinili-ay.
