Ginpatuman sang Commission on Elections (COMELEC) ang campaign silence period umpisa Domingo, Mayo 11, bilang preparasyon sa eleksyon sa Lunes, Mayo 12.
Ginapahanumdom sang COMELEC ang tanan nga kandidato kag mga supporters nga untaton ang ano man nga porma sang kampanya lakip na ang mga materyales pareho sang tarpaulin kag posts sa social media.
Gin-athag man niya nga ang campaign ban indi lang para sa physical nga aktibidad sang kampanya kundi pati man sa digital platforms.
Ginmanduan man sang COMELEC ang pagbaklas sang tanan nga campaign materials bangud ini subong kabahin na sang paglapas sa election rules.
Umpisa man Mayo 11, ginpatuman ang nationwide liquor ban agud malikawan ang mga insidente nga may kaangtanan sa ilimnon sa tion sang eleksyon.
Sa adlaw sang eleksyon mismo, ginpahanumdom man sang Comelec nga indi angay maglibot-libot ang mga kandidato matapos sila makaboto agud indi ini matawag nga last-minute campaigning.
Nagpabutyag man sang kabalaka ang ahensya sa posibilidad sang vote-buying sa mga katapusan nga adlaw antes ang botohan.
Ginpahanumdom ni Garcia nga may penalidad para sa mga magahimo sang vote-buying/buyer man ukon seller.
Magabukas ang mga presinto sang pagboto sa alas 5:00 sang aga para hatagan priority ang mga senior citizen, mga PWDs, kag mga nagabusong nga botante, tubtob alas 7:00 sang aga.
