Nagsaka na sa 73 ang na-record sang Police Regional Office (PRO) 6 nga nagbayolar sa Commission on Elections (COMELEC) gun ban.
Nakumpiskar diri ang 73 ka mga armas kag 4 ka mga gun replica.
Yari ang breakdown sang mga naaresto sang kada police unit:
- Antique Police Provincial Office (PPO)-8
- Aklan PPO – 4
- Capiz PPO -16
- Guimaras PPO – 4
- Iloilo PPO – 31;
- Iloilo City Police Office – 7;
- Regional Mobile Force Battalion 6 – 3
Gindayaw man ni PRO 6 Director, Police Brigadier General Jack L. Wanky ang tanan nga mga kapulisan sa ila dedikasyon sa ila trabaho.
Dugang ni Wanky, magaserbe ini nga pahanumdom sa publiko nga apisar natapos na ang eleksyon, magapabilin sa gihapon sa mga dalanon kag magapatigayon sang COMELEC checkpoint ang mga kapulisan sa bug-os nga Western Visayas tubtob June 11, 2025.
Article by: Bombo Hanna Andasa
