Ginahandaan na sang Commission on Election (COMELEC) Iloilo City ang pagsugud sang kampanya sang mga national candidates bwas, Pebrero 8.
Sa interview sang Bombo Radyo kay Mr. Jonatahn Sayno, election officer II sang Comelec Iloilo City, iya ginpahayag nga nagbutang na sang marka sa mga common posters areas para sa mga camapign posters sang mga local kag national candidates kag party list groups.
Kinahanglan nga sundon ang 12×16 feet para sa polictical parties.
Yara naman sa 4×6 feet ang space para sa local kag national candidates.
Kinahanglan nga masunod man ang size requirenent sang posters nga yara sa 2×3 feet.
Gintatakan man sang mga numero ang “certain” space para sa mga kandidato pinaagi sa raffle nga ginpatigayon sang comelec kaupod ang pila ka mga representante sang mga nagapadalagan nga kandidato.
Sa subong suno kay Sayno, sumugud bwas nga adlaw, sarang na nga ma-confiscate sang comelec ang mga iligal nga natapik nga poster sang mga national candidates kag wala nagasunod sa size requirements.
Padal-an naman sang notice of violation ang mga kandidato nga naglapas sa amu mga pagsulundan.
Responsibilidad naman sang Department of the Interior and Local Government (DILG) ang pag-coordatte sa mga Barangay kapitan angut sa plano nga house-to-house campaign sang mga kandidato.
