Ginpasiguro sang Iloilo Provincial Commission on Elections (COMELEC) nga ma-deliver nga kumpleto ang mga balota sa tagsa ka banwa para sa 2025 midterm elections.
Sa interview sang Bombo Radyo kay Atty. Renier Layson, Provincial Election Supervisor IV sang COMELEC Iloilo, iya ginpahayag nga sa subong, reklamo sa pangampanya ang ila nabaton halin sa tagsa ka mga banwa.
Lakip na diri ang mga kandidato nga may tuyo magpasaka sang reklamo kaangot sa illegal campaigning.
Suno kay Layson, ginatudloan man nila ang mga kandidato kon paano magpasaka sang legal nga panumbungon agud nga makaagi sa insakto nga proseso.
Sa pihak sini, handa na ang talatapan sa palaabuton nga eleksyon kon sa diin, matalunsay nga ginasunod ang timeline.
Ginpahayag man sini nga yara na subong sa municipal treasurer’s office sang tagsa ka kabanwahanan sa probinsya ang official ballots nga gamiton sa piniliay.
