Natalana sa Oktubre 12 ang pagpasa sang Commission on Elections-Iloilo sang tanan nga certificates of candidacy sa law department sang commission.
Sa interview sang Bombo Radyo kay Atty Renier Layson, Provincial Election Supervisor IV sang COMELEC-Iloilo, iya ginpahayag nga ang law department amo ang magaproseso agud makahimo sang pinal nga listahan sang kandidato para sa eleksyon.
Suno kay Layson, sa Oktubre 14 naman patigayunon sang Election Registration Board ang meeting kag hearings sa mga application for registration sang mga luyag nga makaboto.
Sa Nobyembre naman i-activate ang Joint Security Control System nga suno kay Layson, amo ang magadumala sang mga security concerns nahanungod sa eleksyon.
Isa man sa kasakuan sang COMELEC ang plano sa clustering sang presinto para mahibaluan ang numero sang mga voting machines nga i-deploy sa mga voting centers.
