Nabalhag sang Commission on Elections (COMELEC) Iloilo Province ang kabug-usan nga 34 ka mga political aspirants sa nagkalain-lain nga posisyon ang Iloilo para sa May 12, 2025, midterm elections.
Sa interview sang Bombo Radyo Atty. Renier Layson, Provincial Election Supervisor IV- COMELEC Province of Iloilo, iya ginpahayag nga medyo ginkakibot niya ang resulta bangud una na niya ginbanta nga yara lamang sa 25 ka mga kandidato ang maga-file sang ila certificate of candidacy (COC).
Suno kay Layson, onse ang numero sang mga nag-file sa pinakaulihi nga adlaw sang filing, kapareho man sa numero nga na-record isa ka adlaw antes nagtakop ang aktibidad.
Gintumod man sini nga wala sang toward incident ang na-record sa pila ka mga venues sa kabanwahanan sa probinsya sang Iloilo.
Nahibaluan nga onse ka mga kandidato ang pinakamataas nga na-record sang talatapan sugod nagbukas ang filing sang candidacy.
