Nagapanawagan ang Commission on Elections (Comelec) sa mga local governments kag sa mga organizers nga indi paghimuon nga campaign platform ang pagkomemorar sang ika-36 nga anibersaryo sang 1986 People Power Revolution.
Apisar indi makakas ang pangalan sang mga Marcos sa sini nga EDSA Revolution suno kay Comelec Region VI Director Atty. Wilfred Jay Balisado, dapat man nga likawan sang mga opisyal sang gobyerno nga gamiton ini nga oportunidad agud nga mangibabaw ang eleksyon.
Sa 2022 elections, kandidato sa pagka-presidente si Bongbong Marcos, ang anak sang anay diktador nga si President Ferdinand Marcos, Sr. amo ang ginsipa sa pwesto sang 1986.
Suno naman kay Balisado, dapat nga mangin objective lang ang commemoration subong nga tuig.
Dapat nga ihatag suno sa natungdan kun ano ang facts sandig sa maragtas sang pungsod kag likawan na nga laktan ini sang pulitika.
Ini agud malikawan man nga mangin political rally ang commeroration activities.
Dapat likawan suno sa iya nga i-endorso ang isa ka kandidato ukon magkampanya batok sa isa ka kandidato.
Ang mga commemoration activities sa anibersaryo sang People Power Revolution ang ginbalay sandig sa Memorandum Circular No. 2022-012 sang Department of the Interior and Local Government (DILG).
Ang amo nga circular ang naga-encourage sa local governments nga magdumdom sang 1986 revolt sa ila tagsa ka mga lugar. ##
