ILOILO CITY- Ginatun-an na sang Commission on Elections (COMELEC) ang posible ipatuman nga mga pagbag-o sa guidelines sa pagpatigayon sang campaign rallies may kaangtanan sa May 2022 elections.
Sa interview sang Bombo Radyo kay Atty. Wilfred Jay Balisado, director sang COMELEC Region 6, iya ginpahayag nga sa ila obserbasyon, may yara sang mga aktwasyon sa pagpangampanya nga indi gid malikawan bangud kabahin na ini sang kultura kaangay sang pagpangamusta kag mangin ang pagselfie sang mga supporters upod sa kandidato.
Suno kay Balisado, ginarekomendar sang COMELEC nga i-minimize ini nga mga scenario.
Apang suno sa iya, bangud nga mabudlay ini nga ipatuman, mas maayo nga maghimo nalang sang adjustment kag ini ang ila na nga ginatutukan subong.
Nahibaluan nga sa ginpatigayon nga proclamation rallies sang mga national candidates sang Pebrero 8 kadungan sang una nga adlaw sang 90-day period sang election campaign, nalapas ang mga protocol kaangay sang physical distancing bangud sa pagdagsa sang mga tawo.
