Magatukod ang Commission on Elections (COMELEC) sang task force nga amo ang maga-imbestigar kag prosecute sang tanan nga reports kag alegasyon sang vote-buying sa May 9, 2022 elections.
Ini ang ginpagwa nga statement ni COMELEC Commissioner George Garcia matapos nga naglapta ang video ni Cavite Governor Jonvic Remulla nga nagapanagtag sang cash prizes sa campaign rally sang tandem ni presidential candidate Ferdinand “Bongbong” Marcos Jr. kag vice-presidential candidate Sara Duterte-Carpio.
Ang task force ang lakipan sang myembro sang Philippine National Police (PNP), Armed Forces of the Philippines (AFP), kag Department of Justic (DOJ).
Nagpahanumdom man sa publiko si Garcia nga ang vote buying ang indi dapat ginakomiter umpisa sa pagsugod na sang campaign period.
Nahibaluan nga ang official campaign period ang nagsugod sang Pebrero 8 para sa national position candidates, kag sa Marso 25 naman para sa local positions.
Ang vote-buying ang isa ka paglapas sa idalom sang Omnibus Election Code.
Ang magakomiter sini ang mahimo nga makabaton sang penalidad nga pagkapreso, disqualification sa public office kag pagkakas sang kinamatarog nga magboto.
Sa subong, ginahulat na lang sang COMELEC ang formal complaint angut sa ginpahayag pagpanagtag sang kwarta sa campaign rally ni Marcos Jr.
