ILOILO CITY – Nagaplano ang Commission on Elections nga magbakal sang bag-o nga vote-counting machines para sa 2025 midterm polls apisar nga may yara sang buhin sa proposed budget.
Ang proposed budget para sa 2024 ang yara lamang sa ₱27.2 billion nga tuman ka nubo kun ipa-anggid sa ₱43 billion.
Suno kay Comelec Chairman George Garcia, bastante na ang budget agud nga makasugod na sa pagbakal sang bag-o nga machines bangud nga may ginpa-in na nga 98,0000 machines.
Pahayag niya, ang ginaduso nga budget sang ahensya ang nagalakip sang allocation para sa pagpatukod sang building kag ang regular agency budget.
Ginpa-athag man niya nga ang wala nadala sa proposal sang commission amo ang para sa pagpatigayon sang Barangay and Sangguniang Kabataan polls sa 2025 bangud nga ang Supreme Court ruling ang ginpagwa lamang matapos nga napasa na sang poll body ang budget program sa Department of Budget and Management.
Dugang pa niya, kinahanglan sang Comelec ang kabug-usan nga 128,000 vote counting machines para sa gina-project nga 71 million voters sa 2025.
