Gin-activate sang Commission on Elections (Comelec) ang multisectoral nga Kontra Bigay task force agud nga ma-aksyunan ang mga nagapabakal kag nagapamakal sang boto.
Suno kay Comelec Chairman Sheriff Abas, madamo na ang nabaton sang ahensya nga mga impormasyon may kaangtanan sa vote buying nga nagakatabo sa bug-os nga pungsod.
May yara naman sang natalana nga complain form para sa pagpasaka sang kaso batuk sa ginapatihan vote buyers.
Nagduging na ang vote buying bangud nga indi na madayaan sang mga pulitiko ang mangin resulta sang eleksyon sa paggamit sang vote counting machines (VCMs).
Ginakabig nga criminal offense ang vote buying kag vote selling.
Ang mapamatbatan nga guilty ang mahimo nga mapreso, madulaan sang kinamatarong sa pagboto kag mangin diskwalipikado sa pagkapot sang public office.
Nahibaluan nga ang Kontra Bigay task force ang paga-updan man sang Philippine National Police (PNP), Department of the Interior and Local Government (DILG), National Bureau of Investigation (NBI) kag Integrated Bar of the Philippines (IBP).
