Liwat nga nagpaandam ang Commission on Elections (Comelec) sa mga kandidato sa 2022 national kag local elections nga dagdagan ang mga ini sang multa kag penalidad nga pagkapreso sa tion nga mapamatud-an nga naglapas sa health protocols sa ila campaign-related activities.
Suno kay Comelec spokesperson James Jimenez, makapila na gin-report sa poll body nga may mga kandidato nga wala nagasunod sa guidelines sang COMELEC sa tion sang kampanya.
“It has been brought to our attention that several campaign sorties conducted since the campaign period started have not been compliant with the mandatory face mask and face shield policy, as well as the strict physical distancing requirements.”
“In case the candidates need reminding, they are responsible for the safety of their staff and supporters and that the guidelines on physical campaigning are strictly followed— that is their lookout.”
Pahayag ni Jimenez, masami nga wala ginasunod ang mandatory face mask kag face shield policy, amo man ang istrikto nga physical distancing requirements.
Dugang pa niya, istrikto nga gina-monitor sang National Comelec Campaign Committee sa kada locality ang physical campaign guidelines nga nasaad sa Comelec Resolution 10732.
Nagapakig-angot naman suno sa iya ang pinuno sang National Comelec Campaign Committee nga si Commissioner Rey Bulay sa Department of Health
Nahibaluan nga ang election offense may yara sang multa kag penalidad nga pagka-preso nga indi magnubo sa isa ka-tuig kag indi magsobra sa anum ka-tuig.
