Ginkumpirma sang Commission on Elections (Comelec) nga nagpaguwa na ini sang show cause order (SCO) batok kay former Senate President Francis “Chiz” Escudero.
Ini agud mapaathag sini ang pagbaton sang P30-million nga campaign donation halin sa isa ka kontraktor sang nagpadalagan siya sa pagka-senador sang 2022 elections.
Suno kay Comelec Chairman George Garcia, gindagdag ang order kahapon, Oktubre 3.
Ginpahayag man sang opisyal nga gintalana sa Oktubre 13 ang hearing kay Escudero.
Matandaan nga ginkumpirma ni Centerways Construction and Development Inc. president Lawrence Lubiano nga nakahatag siya sang donasyon sa senador.
Una naman nga gindagdagan sang kaangay nga order si Lubiano agud makapaathag ini kun ngaa indi siya dapat pagkasuhan sa paglapas sa Section 95 sang Omnibus Election Code (OEC). Ginmanduan man ini nga mag-atubang sa Political Finance and Affairs Department (PFAD).
Sa House hearing partikular sa pamangkot anay ni Rep. Atty. Chel Diokno, nagdepensa si Lubiano nga naghalin sa iya kaugalingon nga kuwarta ang P30-million nga iya gindonar.
Sa Senado, may yara naman sang gin-file nga ethics complaint batok kay Escudero kaangot gihapon sa amo nga kontrobersiya.#
