ILOILO CITY- Nagpahanumdom sa publiko ang Commission on Elections (COMELEC) nga lantawon kag siguraduhon na na ang ila nga mga pangalan kag precinct numbers sa ila tagsa ka mga election offices.
Sa interview sang Bombo Radyo kay Atty. Ian Lee Ananoria, COMELEC Provincial Director, iya ginpahayag nga wala nagbag-o ang proseso magluwas lang sa gindugang nga health checks ukon temperature checking agud nga mahibaluan kun may flu like symptoms ang isa ka botante kag kun mataas ang iya nga temperatura , ibutang ini gilayon sa isolation polling place.
Suno kay Atty. Ananoria, mas maayo man nga timprano pa nga magpadulong ang mga botante sa ila nga voting precinct sa May 9 agud nga malikawan ang pagtumpok sang mga tawo.
May yara naman sang tatlo ka electoral board nga ibutang sa kada presinto.
Sa tagsa ka presinto, yara sa 10 ka mga indibidwal gid lang ang makasulod ukon 800 lang ka tawo ang maximum nga maakamodar sa sulod sang 13 ka oras nga voting period agud masunod ang social distancing.
Pahayag niya, bangud nga indi malikawan nga may yara gid sang magsalangisag sa adlaw sang eleksyon, nagahingyo man sang assisstance ang COMELEC sa mga citizens group nga mahimo sila nga mafbulig kun sa diin may yara sang ipahamtang nga voters assistance desk agud nga may pamangkutan ang botante.
Sa mga botante nga makitaan sang sintomas, gina-formulate pa kun ano ang dugang nga ubrahun ilabi na sa may yara sang flu- like symptoms.
Gin- athag naman ni Ananoria nga may isa lang ka isolation room sa kada voting center.
Entitled naman sa isa ka watcher ang isa ka kandidato ukon political party.
Samtang ang mga supporters naman ang dumilian nga magtinir sa guwa sang precinct ukon magtumpok.
