ILOILO CITY – Nagpanawagan ang Commission on Elections (COMELEC) – VI sa mga kandidato nga indi paggamiton ang mga kabataan sa irregularidad sa eleksyon.
Sa interview sang Bombo Radyo kay Atty. Wilfred Jay Balisado, director sang COMELEC VI, iya ginpahayag nga daw kaangay nga ginakurap sang mga pulitiko ang mga kabataan ilabi na ang mga ginasugo sang mga pulitiko nga manghatag sang sample ballot sa gwa sang mga polling centers.
Ang paghatag sang sample ballot sa gwa ukon malapit sa mga polling centers ang isa ka paglapas sang pagsulundan sang COMELEC.
Masami nga ginagamit ang mga kabataan sa amo nga iregularidad bangud nga indi sila mahimo nga makasuhan bangud sang ila lamharon nga edad.
