Nagpanawagan ang Commission on Elections (COMELEC) sa publiko nga magparehistro agud nga makaboto sa palaabuton nga midterm elections sa 2025.
Sa interview sang Bombo Radyo kay Mr. Jonathan Sayno, Election Assitant II sang Iloilo City COMELEC Office, iya ginpahayag nga importante ang pagboto ilabi na ini ang isa ka tikang agud nga i-exercise ang right of suffrage sang isa ka Pilipino.
Suno kay Sayno, kinahanglan nga maghingagaw na ang mga may tuyo nga magboto bangud tubtob sa Septyembre 30, 2024 na lang ang pagparehistro.
Ginpahayag man sini nga mahimo makaparehistro sa pila ka mga malls sa Iloilo City.
Gin-athag man sang natungdan nga wala sang registration sa adlaw sang Dominggo.
