ILOILO CITY – Nagpanugyan ang Commission on Elections sa publiko nga magpakigbahin sa October 2023 Barangay and Sangguniang Kabataan elections.
Sa interview sang Bombo Radyo kay Atty. Reinier Layson, Provincial Election Supervisor IV, iya ginpahayag nga tuman ka importante ang eleksyon bangud diri mabati-an ang tingog sang publiko.
Suno kay Layson, ang isa ka boto sang tagsa ka botante ang importante gid bangud nga kun tingbon ang tanan nga mga boto, ini ang magaresulta sa kadalag-an sang kandidato.
Nagpanugyan man si Layson sa mga botante nga pili-on ang maayo nga lideres sa barangay bangud sila ang makabig nga frontliners sa paghatag sang serbisyo.
Ini ang rason suno kay Layson nga sa tion nga magpatigayon sila sang voter education forum, ginalakip gid nila ang mga pahanumdom sa pagpili sang maayo nga lider.
