COMELEC, nagpatigayon sang Oplan Baklas sa Plaza Libertad

ILOILO CITY – Napuno sang mga campaign poster ang salakyan sang Commission on Elections (COMELEC) matapos ang ginpatigayon nga Oplan Baklas sa Plaza Libertad sa syudad sang Iloilo.

Sa interview sang Bombo Radyo kay Jonathan Sayno, Assistant City Election Officer sang COMELEC, iya ginpahayag nga kalabanan sa mga ginpangkakas nga mga campaign materials ang wala napaskil sa designated areas.

Magluwas diri, wala man nagasanto sa ginpaguwa nga size sang COMELEC ang mga ginpangkakas nga campaign poster.

Ginpahayag dugang ni Sayno nga unahon sang COMELEC sa pag-inspection ang mga public plaza sa diin madamu ang makita nga violators.

Sa subong suno sa natungdan, padayon ang inventory sa campaign materials agud matumod kun sanday sin-o nga mga pulitiko ang makabig nga violator.