Nag-updanay ang Commission on Elections (Comelec) kag ang National Bureau of Investigation (NBI) agud nga pabaskugon pa ang cybersecurity kadungan sang 2025 midterm elections.
Natalana nga i-formalize ini nga partnership paagi sa memorandum of understanding nga pirmahan sang duha ka ahensya.
Suno kay NBI chief Jaime Santiago, daku ang posibilidad nga may matabo nga pagpang-hack kadungan sang eleksyon apang ginpasalig sini nga handa sila sa anuman nga sitwasyon.
Pahayag pa ni Santiago, mabudlayan ang hackers nga mahimo ang ila plano bangud ma-detect ini sang ahensya antes makadala sang daku nga halit sa sistema
Magluwas sa cybersecurity, gin-highlight man ni Santiago ang ginahimo sang ahensya batok sa iban pa nga election-related offenses lakip na ang baklanay kag baligyaanay sang boto.
“So hinihingi natin ang tulong ng National Bureau of Investigation. Present din po ang head ng Cybersecurity Division ng NBI, ‘yung kauna-unahang lumalaban ngayon sa issue ng hacking and other cybersecurity threat ng ating pamahalaan,” pahayag naman ni Comelec chair George Erwin Garcia. “Kinakailangan mapigilan ang lahat ng attempts to influence the election through machinations or irregularities na alam pwedeng mangyari kahit sa pamamagitan ng cyberattacks.”##
