GUIMARAS – Padayon ang pagpatigayon sang Oplan Baklas sang Commission on Elections (COMELEC) sa mga illegally posted campaign materials sa Guimaras.
Sa interview sang Bombo Radyo kay Atty. Ian Lee Ananoria, Election Supervisor sa Guimaras, iya ginpahayag nga ang tanan nga kandidato sa nasambit nga isla ang nagasunod man sa pagsulundan sang COMELEC.
Indi man malikawan suno kay Ananoria nga may mga kandidato nga nagalapas ilabi na kun pagpangtapik kag ang kadakuon sang campaign materials ang pagahambalan.
Bangud sini, ginpahayag ni Ananoria nga may ginapatigayon nga Oplan Baklas sa tagsa ka Biyernes agud nga mapangkakas ang mga illegally posted kag oversized posters.
Magluwas diri, lakip man sa ginabantayan sang COMELEC amo ang makabig hotly contested area sa Guimaras ilabi na ang mga lugar kun sa diin may nagakatabo nga election related incidents.
