Pagabatunon sang Commission on Elections (COMELEC) ang certificate of candidacy (COC) ni anay Bamban, Tarlac Mayor Alice Guo para sa Eleksyon 2025 kun mag-file ini, apang mahimo ini ma-disqualify magluwas lang kon makakuha sang temporary restraining order (TRO).
Ginpahayag ni COMELEC Chairman George Garcia nga may yara sang basehan para sa disqualification.
Kalakip sa mga rason sang diskwalipikasyon amo ang declaration of nuisance candidate, isa ka petisyon nga nagatinguha nga kanselahon ang COC bangud sa edad kag citizenship, kag ang desisyon sang Ombudsman nga ipatuman ang perpetual disqualification sa pag-uyat sang public office.
Suno kay Garcia, kun perpetual disqualified ang isa ka persona sa pag-uyat sang public office bangud sa desisyon sang Ombudsman, kanselahon ang ila COC bisan pa nga nag-apelar na ang amo nga tawo sa Court of Appeals (CA), magluwas lang kun mag-isyu sang TRO ang CA batok sa mga panumbungon sang tawo sa Opisina sang Ombudsman.
Nag-apelar man si Garcia para sa paghangop sang publiko kaangot sa pagbatunon sang COMELEC sang COC ni Guo kon magapaskop siya liwat sa piniliay.
Apang ginpasalig ni Garcia nga gilayon i-disqualify sang poll body ang mga nuisance candidates.
Nagpasalig man ang COMELEC nga resolbahon ang mga kaso nga may kaangtanan sa mga nuisance candidates para sa 2025 midterm elections sa katapusan sang Nobyembre.
