Magapatigayon sang final testing and sealing sang Automated Counting Machine (ACM) ang Commission on Elections (COMELEC) Region 6 sa masunod nga semana.
Sa interview sang Bombo Radyo kay Atty. Dennis Ausan, Regional Director sang Commission on Elections Region 6, iya ginpahayag nga partikular nga hiwaton ang amo nga aktibidad sa Mayo 7, 2025, kon sa diin, preparado naman ang talatapan.
Sa amo nga tion, tsekyaron ang function sang machine, matabo ang daw kaangay sa mock election, kon sa diin, limitado tubtob sa pulo ka botante sa tagsa ka polling precinct.
Suno kay Ausan, all set na ang preparasyon kag on-track sa schedule, ongoing man ang deployement sang election paraphernalia, official ballot, kag indelible ink.
Na-deliver naman sa Roxas, Kalibo, Iloilo, kag Guimaras ang nasambit nga machine.
Nagpanawagan man ang talatapan sa publiko nga magpakigbahin sa amo nga aktibidad agud makahibalo sa himuon sa tion sang eleksyon.
