Bisan wala pa sang klaro kun madayon ukon indi ang Barangay kag Sangguniang Kabataan Elections sa Disyembre, ginpahayag ni Atty. Dennis Ausan, Regional Director sang COMELEC Region 6, nga handa na ang ahensya.
Sa interview sang Bombo Radyo kay Atty. Ausan, ginahulat na lang ang pinal nga desisyon sang Supreme Court kag ni President Bongbong Marcos kun pirmahan ang layi nga naga-extend sang termino sang mga opisyal.
Sa pihak sini, padayon ang preparasyon , lakip ang pag-review sang voter’s list, guidelines, kag koordinasyon sa mga lokal nga opisina.
Ginpahanumdom man ni Atty. Ausan nga hulaton ang opisyal nga anunsyo kun may sunod pa nga registration para sa mga wala nakalabot kahapon.
Ginklaro man ni Atty. Ausan nga handa ang COMELEC magserbisyo kag magsiguro sang patas kag matawhay nga eleksyon, bisan ano pa man ang desisyon.
