Kinahanglan nga i-revisit ang role sang mga barangay officials sa ila partisipasyon sa tion sang eleksyon.
Sa interview sang Bombo Radyo kay Atty. Wilfred Jay Balisado, direktor sang Commission on Elections (COMELEC) Region 6, iya ginpahayag nga dapat klaruhon ang mga provisions nga nasaad sa Omnibus Election Code sang COMELEC kag Civil Service Commission (CSC) nga ang higher national kag local officials lang ang exempted sa non partisan activities.
Kinahanglang nga i-revisit ang amo nga provision agud maklaro kun sino nga mga opisyal sang gobyerno ang mahimo magpatisipar sa pagpangampanya.
Pila ka mga barangay officials suno kay Balisado ang wala nakahibalo sang amo nga pagsulundan kag nakatuga sang pila ka issues sa tion sang local campaign activities.
Suno naman kay Balisado, mahimo nga magpangampanya ang mga higher elected officials apang ini dapat paggamiton ang ila nga posisyon agud nga mag-impluwensya ukon magpamilit sa iban sang ila dapat nga botohon.
Ang ‘threats’ ukon pagpamahog suno sa iya ang isa ka election offense.
Ginpasigurado man sang natungdan nga aktuhan sang COMELEC ang pila na ka reported nga harassment kag pagpamahog sa nagapadayon nga local campaign period sa Western Visayas.
