ILOILO CITY – Wala anay sang commercial flights sa Iloilo International Airport tubtub nga wala sang rekomendasyon ang Inter-Agency Task Force.
Sa interview sang Bombo Radyo kay Art Parreño, Civil Avaiation Authority of the Philippines – Iloilo International Airport terminal supervisor, iya ginpahayag nga magluwas sa official travel, ang sweeper flights nga may sakay nga Overseas Filipino Workers ukon Locally Stranded Individuals ang pahanugutan sa nasambit nga paluparan.
Suno kay Parreño, Hunyo 10 ang initial schedule sang pagbalik sang tanan nga commercial flights magluwas lang kun may announcement ang Inter-Agency Task Force.
Ginpahayag ni Parreño nga nakahanda naman ang preventive measures nga igapatuman kadungan sang pagbalik sang commercial flights.
