Patay ang isa ka babayi matapos ginluthang sang ginapahayag riding-in-tandem suspects sa corner Valeria-Ledesma, Iloilo City Proper.
Ang biktima amo si Apple Jane Castillo, 28, ginapahayag nga naga-trabaho bilang commercial sex worker, kag residente sang banwa sang Guimbal.
Sa interview sang Bombo Radyo kay Pol. Col. Leo Batiles, director sang Iloilo City Police Office (ICPO), iya ginpahayag nga antes ang insidente, naglabay lang ang mga suspek sakay sa motor, kag pagkaligad sang isa ka minuto, nagbalik sa ginapwestuhan ni Castillo. Sunod nga ginpalapitan ang biktima kag gintiro sa ulo.
Ginapahayag nga masobra lang isa ka ruler ang distansya sang pusil sa ulo sang biktima, suno sa panaysayon sang mga witness.
Ginapahayag nga may kaso sa iligal nga droga ang babayi sang 2015, apang nakaguwa sang 2018.
Sang nag-guwa na sa presuhan, ginapahayag nga nagtrabaho na ini bilang sex worker.
Gilayon man nga nagpalagyo ang mga suspek, kag ginapangita sang mga pulis. ##
