Ginapasigurado sang Commission on Elections (COMELEC) nga hugot ang ila ginahimo nga monitoring sa mga banwa sa Iloilo nga ginpaidalom sa orange category ukon ‘election areas of immediate concern.
Ini nga mga lugar ang ginalakipan sang Sara, Bingawan, Lambunao, Maasin, Janiuay, Alimodian, San Joaquin, Tubungan, Igbaras, Miagao, Leon, Lemery kag San Dionisio, Iloilo.
Yara naman sa red category ukon election area of grave concern ang Calinog, Iloilo, bangud sang tinalikdan nga piniliay, may na-record sa nasambit nga banwa nga election related incident.
Sa interview sang Bombo Radyo kay Atty. Wilfred Jay Balisado,director sang COMELEC Region 6, iya ginpahayag nga indi madula nga may mga kandidato nga nagapakig-angot sa communist terrorist group.
Kaangot sini, iya ginahingyo sa mga kandidato nga indi magpakig-angut sa mga rebelde.
Suno sa iya, ginamonitor man sang Philippine National Police kag Armed Forces of the Philippines ang mga kandidato sa ila area of responsibility.
Kun makita sang mga otoridad nga may yara sang kaangtanan ang isa ka kandidato sa commutist terrorist groups, posible ini nga mapasakaan sang kaso.
