Hugot ang pag-monitor sang Commission on Elections (COMELEC) sa mga kandidato nga wala nagapangpaskil sang ila tarpaulin ukon streamers sa common poster areas.
Sa interview sang Bombo Radyo kay Atty. Wilfred Jay Balisado, director sang COMELEC Region 6, nagakadapat nga sundon sang mga kandidato kag sang ila mga supporters ang mga lugar nga dapat butangan ukon tapikan sang mga campaign posters.
Ginadumilian man nga magtapik sang posters sa mga puno sang kahoy.
Dapat man nga nasunod ang intsakto nga size requirement sang mga posters nga indi maglapaw sa 2×3 feet santo sa Fair Elections Act.
Nahibaluan nga magasugod na bwas Pebrero 8 ang campaign period para sa national Candidates kag magatakop ini sa Mayo 7.
Magasugud naman sa Marso 25 ang campaign period para sa local candidates.
Gina-engganyo man sang COMELEC ang publiko nga magpalab-ot sang reklamo ukon magsugid sang pila ka mga violators kun makita ini sa palibot.
