ILOILO CITY – Wala pa na natapos sang Iloilo City Council ang pag tung-anay nila sang mga komitiba.
Sa interview sang Bombo Radyo kay incoming Iloilo City Councilor Atty. Romel Duron, iya ginpahayag nga may yara sang 28 tanan ka mga komitiba sa konseho.
Suno kay Duron, ang mga incumbent ang ginahatagan nga magpili sang ila naluyagan nga komitiba.
Apang ang mga bag-o nga mga konsehal ang nagahulat lang kun ano ang ihatag sa ila nga komitiba.
Sa bahin ni Duron, gintanyag sa iya ang Committee on Transportation.
Bukas man si Duron nga batunon ang nasambit nga komitiba bangud may ihibalo siya diri sa diin nangin hearing officer ini sadto sa Land Land Transportation Franchising and Regulatory Board (LTFRB).
Magluwas sini, ginkumpirma man ni Duron ang pagtanyag sa iya nga mangin Chairman sang Committee on Rules, Ordinance, Resolutions, Style, Justice and Legal Affairs.
