Iloilo – Patigayunon subong nga bulan sang Enero ang committee hearing sa bahin sang Committe on Infrastructure sang Sangguniang Panlalawigan may kaangatan sa delayed projects sa Probinsya sang Iloilo.
Ini nga mga proyekto ang sa idalom sang National Task Force to End Local Communist Armed Conflict.
Ginalauman nga sang 2022 pa kuntani natapos ang mga proyekto, apang bangud sang iban nga mga rason, napaslawan ang dalayon nga pagkahuman sini.
Sa interview sang Bombo Radyo kay Iloilo 4th District Board Member Rolando Distura, chairman sang Committee on Infrastructure sa Sangguniang Panlalawigan, iya ginpahayag nga madamo damo naman ang porsyento sang mga natapos nga proyekto, apang indi pa matumod kun pila ang pinal nga datos.
Suno kay Distura, indi naman mapanginwala ang mga proyekto nga naumpisahan apang wala natapos bangud ang pondo sa idalom sang National Task Force to End Local Communist Armed Conflict ang natalana nga ibalik sa national treasury.
Samtang, wala sa gihapon sang natalana nga petsa para sa committee hearing.
