ILOILO CITY – Magapatigayon sang committee hearing ang Committee on Transportation sang Sangguniang Panlungsod subong nga adlaw, 2:00 sang hapon kaupod ang mga transport group sa syudad sang Iloilo may kaangtanan sa Local Public Transport Route Plan.
Sa interview sang Bombo Radyo kay Iloilo City Councilor Romel Duron, chairman sang nasambit nga komitiba, iya ginpahayag nga na umpisahan na ang study sa Local Public Transport Route Plan apang ginahulat pa ang survey.
Ang survey ang ginalakipan sang pagpatigayon sang road measured capacity kun pila ka salakyan ang kinahanglaon sa kada ruta kag pila ka round trip ang mahimo sang salakyan.
Suno kay Duron, tuman ka uti ang Local Public Transport Route Plan ilabi na sa mga depampasahero nga jeep nga may yara sang masobra 16 ka ruta.
Sa pihak sini, mangin kwestyonable pa kun bala wala nakapasa ang mga anay myembro sang Sangguniang Panlungsod sang ila proposed Local Public Transport Route Plan.
Ginahingyo sang Department of Interior and Local Government kag Department of Transportation nga magpasa ang tagsa ka Local Government Unit sang route plan bangud kun mapaslawan, kuhaan mismo sang poder ang Local Government Unit kag ang mga nasambit nga ahensya na lamang ang magahimo sang plano.
Nagpangabay si Duron sa transport groups nga magpasa sang ila proposal sa committee hearing subong nga adlaw.
